Banka Botërore i jep Kosovës 2.7 milionë euro grant, për zhvillimin e të rinjëve

Një fillim i mbarë në bashkëpunimin e Ministrisë së Financave me Bankën Botërore që rezulton në 2.7 milionë grant për Kosovën i nënshkruar nga ministri Besnik Bislimi

Ministri Besnik Bislimi priti në takim drejtoreshën Regjionale të Bankës Botërore për Ballkanin Perëndimor, Linda Van Gelder e cila shprehu gatishmërinë për bashkëpunim në arritjen e prioriteteve të Qeverisë së re.

Fokus i takimit të sotëm ishte edhe investimi në zhvillimin e aftësive të rinisë si pjesë e faktorëve në ngritje të punësimit dhe zhvillimit të ekonomisë.

Me këtë rast Ministri Bislimi dhe Drejtoresha Gelder nënshkruan një grant marrëveshje në vlerë prej 2,785,000 dollar, e cila i dedikohet komunave për zhvillimin e aftësive të rinisë. Këto mjete vijnë nga Fondi Shoqëror i Zhvillimit Japonez, nën Administratën e Bankës Botërore.
Gjithashtu, sot nga të dyja palët u nënshkrua edhe letër këmbimi për rialokimin e fondeve të kredisë aktuale brenda komponentëve lidhur me projektin e efiçencës së energjisë, e cila hap rrugën për nënshkrimin e një marrëveshjeje të re për grant, e cila pritet të nënshkruhet së shpejti.