Ku t’i fshihni sendet me vlerë, flasin hajdutët e shtëpive

Nëse mbani para ose sende me vlerë nën dyshek, në sirtarin e të brendshmeve a në një kasafortë, dijeni se po gaboni. Hajdutët e shtëpive kërkojnë së pari në këto vende.

Një panel prej ish-hajdutësh shtëpish, organizuar nga rrjeti i dyqaneve John Lewis, këshillojnë që sendet me vlerë t’i fshihni në kuti drithërash a te lodrat e fëmijëve.

 

Një nga ish-hajdutët tha se kutitë e makaronave, orizit e drithërave janë vendet ideale për të fshehur bizhuteri sepse kushdo që synon t’ju vjedhë, s’ka kohë të kontrollojë kuzhinën me imtësi.

Shumëkush i mban sendet me vlerë, si çelësat e makinës, në kuzhinë, ose në një sirtar me objekte të rëndomta. Sendet me vlerë mund t’i fshihni aty ku mbani DVD apo disqe të vjetra sepse gjendet më vështirësi.

Mesa duket, ekziston një rregull i pashkruar mes hajdutësh që i ndalon të hyjnë e të kontrollojnë në dhomat e fëmijëve. Prandaj, mund të fshihni ç’keni për të fshehur në sirtarët e fëmijëve.