Një dietë pa karbohidrate dhe yndyrna nuk ua zgjatë jetën

Analizë nga Universiteti i Harvardit për dietën pa karbohidrate dhe yndyrna.

Sipas një studimi, efekti i dietave që përfshijnë konsumimin e ushqimeve që nuk përmbajnë karbohidrate dhe yndyra është ekzagjeruar, shkruan “Daily Mail”.

Ekspertët nga Universiteti i Harvardit kanë treguar se krahas humbjes së peshës, kjo lloj diete nuk ndikon në jetëgjatësi, siç është thënë në disa studime të mëparshme.

Këtu qëndron kualiteti dhe jo kuantiteti i përbërësve ushqimorë duke përfshirë yndyrat dhe karbohidratet, që ndikojnë në jetëgjatësinë e njerëzve.

Në studimin e fundit, janë analizuar informacione të mënyrës së ushqyerjes të 37.233 amerikanëve. Sipas analizave, është vërejtur se personat, të cilët kanë aplikuar dieta pa karbohidrate dhe pa yndyrë nuk kanë jetuar më gjatë.

Faktori i vetëm që mund të ndikoj në jetëgjatësinë e njerëzve dhe në mbajtjen e një shëndeti të mirë është konsumimi i frutave, perimeve, peshkut dhe drithërave.