Tri gjëra janë kryesore: A dini t’i kërkoni falje partnerit në mënyrë të drejtë

Nëse e bëni gabimisht, do të dukeni të pasinqertë dhe mund të shkaktohen grindje edhe më të mëdha.

Çdo çift që është në lidhje përjeton grindje dhe konflikte, mirëpo kur e gjithë kjo kalon dhe i shikoni gabimet vetjake, është e nevojshme tëkërkoni falje. Por, nëse e bëni gabimisht, do të dukeni të pasinqertë dhe mund të shkaktohen grindje edhe më të mëdha, transmeton Telegrafi.

Është e nevojshme të keni guxim dhe t’i pranoni që disa gjëra i keni bërë gabimisht. Mirëpo, në të shumtën e rasteve, njerëzit ndihen keq dhe turpërohen kur gabojnë, gjë që i pengon të përmirësojnë situatën dhe marrëdhënien me partnerin.

Është me rëndësi që sa më parë të liroheni nga ndjenja e papëlqyeshme, pa marrë parasysh për çka është fjala.

1. Bëhuni të sinqertë dhe flisni nga zemra. Nëse sinqerisht ju vjen keq,tregoni emocionet dhe thoni atë që keni në mend. Është me rëndësi të flisni thjesht dhe qartë.

2. Lëvizjet pozitive të trupit janë me shumë rëndësi. Duhet të dini që nuk janë të rëndësishme vetëm fjalët gjatë bisedës. Lëvizjet e trupit tuaj gjithashtu tregojnë se si ndiheni. Mos i kryqëzoni duart dhe të jeni tepër të tendosur, sepse do të lini përshtypje që nuk jeni të sinqertë.

3. Mos u mbroni gjithmonë edhe ndaj vetes të merrni qëndrim mbrojtës.Kjo mund të jetë edhe një shkak më shumë për t’u grindur, ndërkaq rasti për kërkim falje do të humbet.