VV dhe përfaqësuesit e KE-së flasin për demarkacion

Përfaqësues të Lëvizjes Vetëvendosje janë takuar me përfaqësuesit e Këshillit Evropian për marrëdhëniet me jashtë, ku u diskutua për situatën e përgjithshme në vend dhe rajon me theks të veçantë për zhvillimet e fundit politike dhe çështjen e marrëveshjes me Malin e Zi për demarkimin e kufirit.

Sipas VV, në këtë takim morën pjesë kryetari, Albin Kurti, nënkryetarja, Fatmire Mulhaxha-Kollçaku, kryetari i Grupit Parlamentar, Glauk Konjufca, dhe deputetja Fitore Pacolli, ndërsa delegacioni i KE-së për marrëdhëniet me jashtë, ishte i kryesuar nga Carl Bildt, ish-kryeministër dhe ish-ministër i Punëve të Jashtme të Suedisë, Fredrik Ëesslau, drejtor i Programit “Evropa e Zgjeruar”, Vessela Tcherneva, drejtore e programeve dhe Tania Lessenska.

Sipas VV-së u diskutua edhe për bashkëpunimin ekonomik e politik mes Kosovës dhe Shqipërisë, për investimet ekonomike si dhe për situatën energjetike në vend.