Vala nga sot lanson shërbimin 4G

Posta dhe Telekomi i Kosovës nga sot ka lansuar projektin komercial 4G.
Nëpërmjet një konference për media, kryeshefit ekzekutiv i PTK-së, Agron Mustafa, ka treguar se një ofertë e tillë do të mbulojë një pjesë të madhe të territorit të Kosovës.

“Nga sot VALA lanson projektin komercial të 4G me mbulueshmëri të 75 për qind të territorit me vendbanim shqiptar”, tha Mustafa.

Ai tregoi se ky projekt ka kushtuar 33 deri 34 milion euro.
Po kështu, bëri të ditur edhe lansimin e një projekti të ri të Vala-s të quajtur “Trip” për të rinjtë deri në moshën 27 vjeçare.

Oferta kushton 2 euro e 99 cent dhe përfshin ndër të tjera dy giga internet për 3G e 4G dhe 500 sms dhe bisedë pa kufi brenda grupit.