Thaçi uron Maqedoninë për ndryshimet kushtetuese: Tash është radha e Kosovës

Presidenti i vendit, Hashim Thaçi ka uruar Maqedoninë për ratifikimin e ndryshimeve kushtetuese.
Përmes një postimi në llogarinë e tij në Twitter, Thaçi ka shkruar se Athina dhe Shkupi janë duke e ndihmuar të gjithë Ballkanin Perëndimor.

“Urime për njerëzit dhe qeverinë e Maqedonisë për ratifikimin e ndryshimeve kushtetuese. Shkupi dhe Athina po ndihmojnë të gjithë Ballkanin Perëndimor të sjellin një epokë të re të paqes, pajtimit dhe integrimit në NATO dhe BE”, ka shkruar Thaçi.

Në fund Thaçi ka thënë se është radha e Kosovës për t’i dhënë fund marrëveshjeve me Serbinë.

“Tani është rradha jonë: marrëveshja përfundimtare për Kosovën dhe Serbinë”, ka shkruar Thaçi në fund.