Pas “refuzimit” të Haradinajt, Rama anulon takimin me të

Kryeministri shqiptar, Edi Rama ka anuluar takimin e paraparë të mbajë me kryetarin e AAK-së, Ramush Haradina në vazhdën e takimeve të tij me liderët politik të Kosovës.

Ky takim ishte paraparë të zhvillohej në orën 11:00 në selinë e AAK-së.

Anulimi i takimit vjen pas deklaratës së Haradinajt i cili refuzoi takimin me kryeministrin e Shqipërisë.

“Është e pamundur me u takua i padituri me paditësin. Kjo s’ka kurrfarë logjike. Nuk ndihem mirë që si i paditur të takohem me askënd e as me zotin Edi Rama”, ishte përgjigja e Haradinajt mbrëmë në një televizion pas pyetjes nëse do të pranonte takimin me Ramën. /