LDK reagon, ka një sugjerim për Xhavit Halitin

Shefi i Grupit Parlamentar të LDK-së, Avdullah Hoti ka kërkuar nga kryetari i Kuvendit të Kosovës Kadri Veseli që të ndërrmerren masa ndaj Xhavit Haliti pasi që sipas tij e ka sulmuar deputetin Arben Gashi.

Reagimi i Hotit ka ardhur pasi që e kanë parë filmimet e mediave ku sipas tij shihet qartë që Haliti e ka sulmuar qëllimisht deputetin Gashi.

Në të kundërtën sipas Hotit ata nuk do të qëndrojnë në seancë ku po votohen kandidatët për gjyqtarë të Gjykatës Kushtetuese.

Veseli tha se ka reaguar menjëherë pas rastit por Hoti këmbëngulë që Veseli ta përjashtojë Halitin nga seanca.