Haxhiu: Po mundohen t’ia marrin tre mandate VV-së, nuk i lejojmë pazaret

Albulena Haxhiu e Vetëvendosjes pas vendimit të PZAP-së ka akuzuar Nismën dhe AKR-në që janë munduar të bëjnë gjithcka për të shtuar ndonjë votë, për të kaluar pragun.

Përmes një shkrimi në Facebook, Haxhiu ka thënë se nuk ia kanë dalur pasi që në QNR është mbrojtur secila votë e qytetarëve.

Tutje, ajo ka thënë se përmes pazareve e me ndihmën e PZAP-it po mundohen që t’ia marrin tre mandate Lëvizjes.

Shkrimi i plotë:

Janë munduar të bëjnë gjithçka që me rinumërimet e kutive të mëhershme, të shtojnë ndonjë votë dhe të kalojnë pragun.
Nuk ia dolën sepse ishim në QNR për të mbrojtur secilën votë të qytetarëve.

Tani pas shpalljes së rezultateve nga ana e KQZ-së, u munduan përmes pazareve e me ndihmën e PZAP-it, t’ia marrin 3 mandate Lëvizjes. Ata që moralizojnë kot e kanë. Qytetarët e dinë shumë mirë kush e ka krijuar LS dhe kush e ka mirëmbajtur e faktorizuar atë madje edhe tani tentuan ta faktorizojnë.

Pazaret nuk do t’i lejojmë. 6 tetori dhe vullneti i qytetarëve do të jetësohet.