Haradinaj: I thash Hahnit mos na ofendoni, na jepni një datë të saktë për heqjen e vizave

Kryeministri Ramush Haradinaj, tha se i ka thënë komisionerit për zgjerim të Bashkimit Evropian (BE), Johannes Hahn që të japë një datë të saktë për heqjen e vizave për kosovarët, raporton Ekonomia Online.

Haradinaj gjatë një takimi me disa studentë nga Iowa, shtoi në këtë drejtim Kosova është e diskriminuar dhe se qytetarët po ndihen të ofenduar nga premtimet e zyrtarëve të BE-së.

“Jam në presion pasi që ai presion po ushtrohet me pajtimin me marrëveshjen me Serbinë. Askush nuk e thotë që kjo është një marrëveshje e mirë, sepse ata po na detyrojnë që urgjent ta bëjmë këtë marrëveshje”.

“Ne jemi të izoluar tash pasi që nuk kemi viza, por fqinjët tanë i kanë ato, ndërsa ne nuk mund të udhëtojmë lirshëm dhe një është një lloj diskriminim për ne. Pastaj komisionari Hahn vjen thotë se vitin e ardhshëm keni liberalizimin, e unë i kam thënë atij se pse po vazhdon të na ofendojë dhe nuk po na tregon ndonjë gjë të sigurt rreth kësaj”.

Kryeministri foli edhe për Kosovën që nga paslufta. Ai tha se jeta atëherë ka qenë më e lehtë të përballueshme deri sa tani ai tha se Kosovës po i mungon arsimimi i zhvilluar, raporton EO.

“Pas luftës të gjithë kanë qenq të lumtur pasi ke pasur 50 cent për një kafe dhe ka ë qenë të mjaftueshme në atë kohë. Tash dëshirojmë të kemi një jetë të mirë si popullsi e re”.

“Gjatë kohës së OKB-së e kuptuam kënaqësinë dhe shpresën por nuk zgjati shumë pasi të gjithë dëshironin një jetë tjetër se ajo e pasluftës. Gjëja më e keqe që po i ndodh të rinjve tanë është arsimimi”.