Dy ambasadorë të QUINT-it dhe Apostolova i përgjigjen ftesës, hyjnë në takimin Kurti-Mustafa

Ambasadori i Britanisë së Madhe Nicholas Abbot dhe Ambasadori i Gjermanisë në Kosovë, Christian Heldt kanë hyrë në objektin e Kuvendit të Kosovës ku po mbahet takimi mes Albin Kurtit dhe Isa Mustafës.

Lideri i Lëvizjes Vetëvendosje Albin Kurti dhe lideri i Lidhjes Demokratike të Kosovës, Isa Mustafa aktualisht janë duke zhvilluar takim në ambientet e Kuvendit të Kosovës.

Ndërkohë, në takimin e sotëm kanë qenë të ftuar edhe ambasadorët e QUINT-it, por kanë shkuar vetëm 2 prej tyre, ai i Britanisë së Madhe dhe i Gjermanisë, ndërsa me ta është parë edhe shefja e BE-së në Kosovë, Natalya Apostolova.

Fillimisht, ambasadorët kanë qëndruar në zyrën e shefes së BE-së në Kosovë, afër objektit të Kuvendit por para pak minutash ata janë parë duke hyrë në Kuvend.