VETËM NJË HERË

Poezi nga: Anne Sexton

Sapo kuptova qëllimin e jetës.
Kjo ndodhi në Boston, papritur.
Ecja përgjatë Çarlsit
dhe pashë dritat të dyfishoheshin,
të gjitha me zemrën në neon vibrues,
duke hapur gojën si këngëtarë opere;
numërova yjet, veteranët e mi të vegjël,
me çikatriçe të lulëzuara, dhe e kuptova se po mbante
dashurinë time në bregun e gjelbër të natës, dhe në lot
u hapa zemrën makinave drejt lindjes dhe perëndimit
dhe kalova një urë për të vërtetën time
dhe e dërgova shpejt në shtëpinë me bukurinë e saj
dhe deri në mëngjes i grumbullova këto konstante
për të zbuluar pastaj se ato kishin ikur.