KJO CIGARE ËSHTË TEPËR E GJATË

Poezi nga: E. E. Cummings

kjo cigare është tepër e gjatë,
i marr me kuti llullaqi nga 10
dhe atëherë, ti rrije ulur karshi meje:
e gjaku im butësisht thoshte se isha, në lajthitje!
(unë kujtoja se mbaja mend se sa
e bukur ishe) kjo cigare, kur
thithet, bën mrekulli
sikur engjëj të aromatizuar tallës në rreshtin e butë elegant
(i blej nga 10 sosh në kuti llullaqi)
Qafëzat. Bërrylat. Shpatullat. Gishtat.
çasti dashuror eksiton
pa rënë në sy trupin e dukshëm (kjo
cigare, e thithur në tronditjet muzikore
të qetësisë së ngjyrosur me puthje) pashë Zotin puthmë. Sall një herë.