Familja Shkodra dhuron 300 ekzemplarë për bibliotekën e Universitetit ‘Kadri Zeka’

Zëvendësministrja e Ministrisë së Zhvillimit Rajonal Magbule Shkodra, njëherësh edhe vajza e profesorit të ndjerë Prof. Sc. Sadri Shkodra, sot në emër të familjes së saj, dhuroi rreth 300 ekzemplarë për bibliotekën e Universitetit “ Kadri Zeka “ në Gjilan, duke e pasuruar bibliotekën me këndin e veprave të matematicientit Prof. Sc. Sadri Shkodra – autor i shumë teksteve dhe publikimeve shkencore nga fusha e matematikës.

Prof. Sc. Sadri Shkodra, ky njeri i ndershëm la gjurmë të thella në veprimtarinë e tij intelektuale, duke përgatitur breza të rinj në fushën e matematikës, të cilët sot i shërbejnë vendit, në bazë të edukatës dhe mësimeve të tij, prej një intelektuali i cili dha gjithçka që mundi e që dinte, duke mos e kursyer vetën asnjëherë, për t’i kontribuar fushës së shkencave matematikore.

Prof. Sc. Sadri Shkodra la gjurmë të mëdha me punën e tij prej profesionisti, duke hyrë në radhën e matematicientëve të shquar, jo vetëm në Kosovë, por në të gjitha trojet shqiptare.

Më tutje, rektori i Universitetit “ Kadri Zeka “ z. Bajram Kosumi, theksoi se ishte nder dhe privilegj, që në Universitetin të cilin ai e udhëheq, biblioteka të jetë e pasuruar me literaturën e Prof. Sc. Sadri Shkodra, i cili me veprat e tij të madhërishme, do të mbetet përherë një hero i gjallë i arsimit!

Image

Image

Image

Image

Image

Image

Image

Image

Image

Image

Image

Image

Image

Image