DJATHTAS

Poezi nga: Paul Eluard

Djathtas shoh sytë më të bukur
Majtas shoh midis krahëve qorre të frikës
Djathtas jam në rregull me veten
Majtas jam pa arsye tek zanafilla e jetës

Dëgjoj të gjitha fjalët që frymëzova
Dhe që nuk i përkasin më njeriu
Ndaj me të tjerët dashurinë që nuk më njeh më
Dhe harroj nevojën për të dashuruar

Por kur kthej kokën për ta marrë përsëri veten
Për ta ushqyer merakun njerëzor të ekzistencës
Shoh turpin mbi një sfond përqeshjesh të lindura