Përmbytje masive në Indi, 216 të vdekur

Reshjet e dendura të shiut kanë sjellë përmbytje masive në Indi ku zonat më të prekuara janë lindja dhe verilindja e Indisë.

Si pasojë ë këtyrë përmbytjeve mësohet se kanë humbur jetën së paku 216 persona.Në Bihar nga përmbytjet kanë vdekur rreth 130 persona ndërsa në Assam 86 persona.

Përmbytja preku diku tek 864 fshatra ndërsa janë evakuar 30.925 persona të cilët po qëndrojnë në 410 kampe të përkohshme.

Është konfirmuar edhe përmbytja e më shumë se 90 për qind e Parkut Kombëtar Kaziranga në Assam, në të cilin janë mbytur më shumë se 200 kafshë. /tch