I pushtuar nga xhelozia, qëllon për vdekje ish-bashkëshorten në një klinikë dentare në Bangkok

Një burrë i pushtuar nga xhelozia ka qëlluar për vdekje ish-bashkëshorten brenda një klinike dentare në Bangkok, kurse kamerat e sigurisë kanë filmuar këtë moment rrëqethës.

Nëna e një fëmije, Khuntai Chatthai, 28-vjeçe, është identifikuar nga mediat si viktima e ekzekutimit brutal në kryeqytetin e Tajlandës, transmeton Telegrafi.

Personat e tjerë që ishin brenda klinikës filluan të bërtasin, derisa vrasësi u largua nga qendra sikur të mos kishte ndodhur asgjë e keqe.

Policia dhe ndihma e shpejtë u shfaqën në vend të ngjarjes pas pak minutave, ku edhe konstatuan se Chatthai ka mbetur e vdekur në vend.

Megjithatë në këto të shtëna e kishte pësuar edhe një person tjetër, që u plagos dhe u dërgua me urgjencë në spital për tretman.

Sipas komandantit të policisë Samroeng Sunathong, ka bërë të ditur se vrasja ka ndodhur si pasojë e xhelozisë së tepruar.