COVID-19/ ​Italia thyen rekordin e zi nga prilli, 731 të vdekur brenda 24 orëve

Në Itali, 731 njerëz vdiqën nga pasojat e koronavirusit në 24 orët e fundit, e cila është më e larta që nga 3 prilli, ndërsa 32.191 raste të tjera u konfirmuan, që është rreth 5.000 më shumë se një ditë më parë, njoftoi sot Ministria e Shëndetësisë.

208.458 njerëz u testuan ose rreth 50.000 më shumë se 24 orë më parë, raporton Reuters.

Italia është vendi i parë i Evropës Perëndimore që preket nga virusi që nga fillimi i vitit dhe 46.464 njerëz kanë vdekur deri më tani.

Numri më i lartë i rasteve u regjistrua në Lombardi, e cila ishte gjithashtu më e prekura nga epidemia me 8.448 raste, dy herë më shumë se të hënën.