Nëse keni mbjell arën dhe dëshironi që punimet t’i përfundoni në afat rekord, atëherë patjetër se duhet t’i telefononi Guy Martinit.

Kjo për faktin se ish-garuesi me motoçikleta dhe njëherit mekanik i traktorëve, ka arritur të thyej rekordin botëror duke lëvizur me shpejtësi prej 217 kilometra në orë – dhe atë me traktori.

Një gjë e tillë është dokumentuar nga një program i televizionit Channel 4, ku shfaqet Martinin në traktorin JCB duke thyer rekordin e mëparshëm të vetë, për 52 kilometra plus.

Bëhet fjalë për traktorin JCB që bën tërheqje motorike me dy rrota i prodhuar nga një grup i inxhinierëve të rinj britanikë, që u siguruan që kjo “bishë” të arrijë shpejtësinë e planifikuar, duke u futur në librin e rekordeve Guiness.