FIFA vendos: Kupa e Botës 2026 do të zhvillohet në këto shtete

Në kongresin e FIFA-s sot është vendosur për organizatorët e Kupës së Botës 2026 ku për herë të parë në këtë edicion do të përfshihet sistemi i ri me 48 skuadra.

SHBA, Meksika dhe Kanada do të presë Kupën e Botës 2026!

Këto tre vende morën shumicën e votave 134, Maroku 65 ndërsa një vend nuk votoi për asnjë nga këto shtete.

Kjo është hera e parë që kampionati botëror do të mbahet në më shumë se në një shtet.

Po ashtu, kjo i siguron Kanadasë pjesëmarrje në botëror për herë të dytë, pas atij të vitit 1986.

Kujtojmë që nesër nis Kampionati Botëror që do të mbahet në Rusi. Kurse, pas katër viteve do të mbahet në Katar.