Allegri – Barcelona, lajm i befasishëm nga “Mundo Deportivo”

“Mundo Deportivo” me një lajm të befasishëm në lidhje me trajnerin e ri te Barcelona.

Barcelona është duke përjetuar një ditë të nxehtë me shkarkimin e mundshëm të Ernesto Valverdes.

Klubi katalan po ashtu është duke shqyrtuar pasardhësit e mundshëm të tij.

E përditshmja sportive katalane “Mundo Deportivo” raporton se një kandidat i ri për trajner është Massimiliano Allegri.

Gazeta e afërt me Barcelonën shkruan se Allegri nëpërmjet një përfaqësuesi të tij ka njoftuar klubin nga Camp Nou për gatishmërinë e tij të marrë drejtimin e skuadrës Blaugrana.

Allegri është aktualisht trajner i lirë pas shkarkimit nga Juventus në fund të edicionit të kaluar.